International payments ab ho gayi hain aur bhi “sada”! 🌍
Sadapay ka business account freelancers ko international payments receive karne ka asaan aur affordable tareeqa deta hai. Aap clients ke liye payment links generate kar sakte hain aur paisay apne account mein sirf 2 karobaari dino mein receive kar sakte hain—wo bhi mulk ke sabse behtareen exchange rates par. 🤩
Payment links generate karna hai bahut asaan: ❄️
Sadabiz mein "Get Paid" par tap karein.
"New Payment" ko select karein.
Amount enter karein (yeh $2,500 se zyada nahi ho sakta).
Agar aap chahein, toh "Manage Fee" par click karke client fee cover kar sakte hain, ya zaroorat parne par is step ko skip bhi kar sakte hain.
Client ka naam aur jo service provide ki gayi, usay fill karein.
Apni details review karein aur payment link generate karne ke liye proceed karein.
Link generate hone ke baad aap usay copy ya seedha client ke saath share kar sakte hain.
Jab aapke client link par click karegain, toh unhe ek secure page par redirect kiya jayega jahan woh apne Mastercard/Visa debit ya credit card details daal sakte hain, ya phir Google Pay ya Apple Pay se payment complete kar sakte hain. 💳
Umeed hai yeh madadgaar hoga! Agar aap ke paas mazeed sawaalat hain, toh barah-e-karam hum se in-app chat ke zariye rabta karein. 😄