Agar aap ko apna card ATM mein use karne mein koi masle ka samna karna par raha hai, is ki kuch wajoohat yeh ho sakti hain:

🔹 Aapka card freeze ho sakta hai. Agar aisa hai toh, please app mein "current balance" tile se apne card ko unfreeze karne ke baad dobara koshish karein.

🔹 Aap PKR 50,000 daily withdrawal limit se zyada raqam nikaalne ki koshish ker rahe hain. Yaad rakhein ke aam tor par zyada tar ATMs aik transaction mein PKR 20K tak rakam nikaalne ki ijaazat dete hain. Apko bari rakam nikaalne ke liye zyada baar ATM se rakam withdraw kerni pare gi.

🔹 Aapke account mein raqam kam ho sakti hai. Transaction ke liye total raqam ko dobara check karen aur phir koshish karein.

🔹 Aap apne card ki PIN ghalat enter ker rahe honge. Agar aap card pin bhool gae hain, to app mein "current balance" tile se “physical” option per jaa ker card pin reset ker sakte hain.

Mumkin hai ke woh ATM jahan se aap paise nikalne ki koshish kar rahe hain kharab ho ya aarzi tor per down ho. Isliye, kisi aur ATM ka bhi istemal zaroor karein.

Agar phir bhi masla hal na ho, toh please neeche di gaye information hamare saath in-app chat ke zariye share karein:

🔹 Transaction ki amount

🔹 Aapne konsa ATM use kiya

🔹 ATM par error message ki screenshot