Aap ney notice kia hoga ke jab apke client apko payment kartey hain, to apko paisa US dollars ki bajaye Pakistani rupees mein milte hain.
PKR sab se strong currency nahi hai lekin hamare paas apke paise ko rupees mein hold karne ke liye valid wajah hai. Hamarey EMI license ke mutabik, hum sirf Pakistani rupees mein funds hold kar sakte hain. Hamein multi-currency wallets ko support karne ki ijazat nahi hai.
Conversion rate kaisay decide hota hai?
Yeh kaafi aasaan hai! Hamare partner banks hamein rates provide karte hain, jo ham apne users ko forward karte hain. Yeh rate Google par dekhe jane wale exchange rate se alag hota hai, kyunke yeh bank ke zariye set kiya jata hai. Isliye jab apka client apko payment karta hai, uss din bank ke zariye set kiye gae rate par apke paise convert hote hain.
Payment ka din ≠ Payment receive hone ka din
Yeh thora complex hai, isey hum aapke liye aasaan banate hain:
🔹 Payment process hone aur apke account mein add hone ke liye 2 business days lagte hain.
🔹 Yaad rakhein, conversion rate uss din set hota hai jab payment hoti hai. Aur tab nahin jab funds apke account mein add hote hain.
Ham umeed karte hain ke yeh madad kare ga! Agar apke paas aur koi sawal hai toh hamein in-app chat par contact karein. 😊
USD earnings kaise withdraw ker sakte hain?
"Withdrawals" per click karein
"New withdrawal" per click karein
Amount mention karein jo aap withdraw kerna chahte hain
Filhaal USD mein paise hold kerne ki koi defined limit nahin hai. Albatta, in earnings ko withdraw kerne ke liye apko SadaPay wallet limit ko dehaan mein rakhna pare ga. Sadabiz users apni USD earnings ko directly apne personal wallet ya Sadabiz wallet mein withdraw ker sakte hain. Is se incoming limit PKR 900K tak increase ho jaati hai (500K Biz ki aur 400K Personal ki). 🚀
Details confirm karein aur "Withdraw" button per click karein
Apki USD earnings aam taur par 1-2 ghanton mein PKR mein tabdeel ho jati hai. Lekin bohot kam cases mein, yeh amal 2 karobari din tak ka waqt bhi lay sakta hai. 🙌🏽
