Hi! 👋 Aap shayad yahan isliye hain kyunke aapko apne client ke zariye aik failed payment ka notification mila hoga. Hum aapko batana chahte hain ke hamne aap ke client se aik aese card se payment karne ko kaha tha jo 3D-Secured ho. 😁

Transparency ke liye yahan thori si explanation hai ke yeh kyun hua:

Hum sirf woh payments accept karte hain jo 3D-Secured cards se hoti hain. 🔐

3D-Secure aik aisi layer hai jo duniya bhar ke banks aur merchants online transactions ko safe aur fraud-free banane ke liye istemal karte hain. 🌍 Jab kisi 3DS card se payment hoti hai, cardholder ko transaction process ke zariye apni identity prove karni hoti hai 👀 Isliye 3DS card payments doosre card payments se zyada secure hoti hain. 💪

Sabse common type of 3DS ye hai: Agar aap apni card details ko aik website mein enter karte hain to apko kisi doosre portal par redirect kiya jata hai (aam taur par MasterCard ya Visa powered hote hain). Yahan, aapko apne phone number par SMS ya call ke zariye bheje gaye One Time Password (OTP) ko enter karna hota hai. 📲 OTP enter karne ke baad, transaction complete ho jati hai. ✅

3DS aapko aapke clients ke sath interaction karte waqt protection deta hai, aur fraud transactions se bachane mein madad karta hai. 🫡 3DS se aik payment pura hone ke liye, apke clients ko aam taur par apne bank-registered mobile number aur card (jo online use ho raha hai) dono ko apne paas rakhna hota hai. 😁 Misaal ke taur par, agar koi aur apke client ke card se kuch online khareedne ki koshish karta hai, aur agar card 3DS enabled hai, toh ye transaction complete nahin hogi kyunke is ke liye OTP ki zaroorat hoti hai. 💪

Hum umeed karte hain ke is se ye cheez clear hojae gi ke ham non-3DS enabled credit ya debit cards accept nahi karte. 🤓 Hum strict security protocols follow karte hain taake humara Business Account aapke liye, aapke clients ke liye, aur doosre users ke liye aik safe platform bana rahe. 🙌

Samajhne ke liye shukriya. ❤️